Сэтинньи 30 күнэ Сахабыт сиригэр “Хомус күнүнэн” биллэриллибитэ.  Хомус диэн музыкальнай инструмент, кини  үгүс норуокка тарҕаммыт тэрил буолар.   Ол гынан баран, саха курдук, хомуһу өрө туппут омук суох. Саха хомуһа тыаһа ырааһынан, тыына уһунунан Аан дойдуга аатырыан аатырар.

Бугун биһиги уһуйааммытыгар им. С.А.Зверев — Кыыл Уола Национальнай үнкүү театрын артиската, импровизатор-хомусист Василена Шарина оҕолорго ыалдьыттаата. Кырачаан хомуһу ытыска бигии ылан, лынкынас тыаһынан, тыыныттан тыын ылан, киһи ис айылҕатын арыйар ураты иэйиилээх музыканы оонньоон оҕолор болҕомтолорун тарта. Оҕолорго хомуһу сөпкө тутарга, араас дорҕооннору, кыыл – көтөр саҥатын таһаарарга оонньоон  иһитиннэрдэ.

«Саха төрүт культура» куруһуогун салайааччыта Дьячковская А.С. бүгүннү дьарыгар Хомус туьунан оҕолору кытта кэпсэттилэр, хомуһу уруһуйдаан, кыптыыйынан кырыйдылар. Хомус эмтиир, эти – сиини бөҕөргөтөр кыахтааҕын билистилэр.

Хомус алыптаах дорҕоон күнүн уратытык бэлиэтээтибит.